文章分類: Rain的化粧間 (^_^)

我的溫馨晚餐

tomloverain — Wed, 26 Mar 2008 22:16:46 +0800

真係好耐好耐無同媽咪細妹食飯喇~今晚終於可以同佢地坐低傾吓計食吓飯喇無見芷汝一排,又高咗喇~每次去(利記)食飯都攪到好唔安樂,係果度總係唔肯食飯又忸計~所以我老公就唸住轉轉地點去(南記)!呀~~~真係好d喎??芷汝仲好野講,多野講到老公問細妹:佢個總掣係邊,快d熄咗佢喎?!雖然今晚只係食一餐好普通既家常便飯,時間好短,但覺得好溫馨.

好掛住屋企人呀~

tomloverain — Fri, 21 Mar 2008 22:40:47 +0800

好耐都無寫blog喇~近來我跟老公只是專注公司上既工作,好少去探吓媽咪+舅父一家,肉麻少少~但我真係好掛住佢地!好enjoy跟他們走在一起既時間,最慶幸是我身邊有這麼好的家人!

老公牌麪包布甸

tomloverain — Tue, 14 Aug 2007 23:27:11 +0800

今日老公為我學整咗個麪包布甸呀我老公對我實在太太太好喇~好幸福呀!個布甸好好味架!!!!有酒店級既水準~等我下次都整比媽咪食先~呵呵呵~比大家睇睇呀~好好味既呢~~

快樂的一天

tomloverain — Fri, 10 Aug 2007 22:15:02 +0800

雖然今日係離開公司既第3日,但係成個人d生氣都翻翻嚟也~今日一早9點起咗身梳洗,上吓網,跟住同老公一齊去飲個早茶,之後一齊去買餸去超市入貨,返到屋企就準備今晚要煮既餸!係煮比媽咪細妹食架~~~!我好耐都無整過野比佢地食喇!難得我依家唔洗返工住,撞啱今日打風兩個細妹都早返屋企,真係好難得一家人仲咁早一齊食飯呀!媽咪好開心呀~今晚我同老公雙劍合碧,煮咗餐飯比媽咪嘆下,二細妹又幫手洗碗, 媽咪好開心呀~~~佢話好耐都無試過唔洗買餸煮飯洗碗咁嘆喇!!媽咪開心我都好開心~如果連最細個妹都可以改吓佢d脾氣就更好喇~哈哈哈~!多得老公今次提議我地去媽咪度煮飯仔咋~~其實我唔人望高處,簡簡單單既生活我已經好開心好滿足架喇!咁~最重要緊係我老公係我身邊啦~hehe~

安樂哂囉~~

tomloverain — Fri, 10 Aug 2007 09:40:08 +0800

早前我都有因不辭而別感到有d耐疚,依家安樂哂囉~係回巢呢年裡(真係整整一年)我鞠躬盡瘁,其實到頭來老細仍可用別的心睇你!男老細就用軟功,勸我返去~轉個頭女既就用話如果我將公司野外洩就用法律途徑追究~有咩好外洩啫??!我家下話明咩野都唔要(公司信=工作証明),人工都賠埋比佢,我又安排好哂工作比同事,教又盡教....不過如果佢咁睇我~我個心就安樂哂佢係一個唔值得賣命既老細,我再無任何婉惜!!!!

老公帶我脫離地獄

tomloverain — Tue, 07 Aug 2007 23:10:19 +0800

今日係我係呢間公司最後一日喇~終於可以離開了!在這回巢一年裡我確確實實盡力做足一百分,事事鞠躬盡瘁,以前唔肯出trip唔肯上大陸的我也盡力配合公司.坦白說....兩個老細對我在公司裡已經算好好,但工作量+壓力越來越大,加上對外(廠)對內(公司內部員工)應付不同問題...無錯~對處理事情上我可以說是成熟咗,但人就越來越殘越來越瘦弱,我真係唔想咁樣繼續落去,係唔通知同事既情況底下,在這3個月裡可以教的,可以交帶的,可以預先安排的我也做足了.唯有希望減低對身邊同事既影響.我知道自己再做落去真係會阿婆架~~依家點都好!幾大都休養吓先~~

希望有個一團和氣的家人

tomloverain — Sat, 24 Feb 2007 22:17:53 +0800

人大了...有些時候.....真的希望可以回到從前小時候,雖然缺乏父親,物質少,食也不豐富,但一家人總充滿快樂的氣氛,簡單愉快~~當時一家四口只靠媽媽身兼父職照顧教導我們三姊妹,那時在我眼裡的媽媽是很高,年青,好堅強,大部份時間都好和善,是個好好既媽媽.到渡過我兩過妹妹的反叛年齡,她也給好大耐性愛心去引渡她們,犯了錯也包容女兒,所以我常對人說:雖然我無父親,但有個好好既媽媽,童年不用常常面對父母在我面前吵鬧既場面.當然...我也曾經親眼目倒過,對小孩來說,這些吵鬧場面一定是深刻的.....

(閱讀全文)

我既悠長假期要完結ru~真係好唔捨得呀!

tomloverain — Fri, 23 Feb 2007 22:49:26 +0800

今年悠長假期由年廿八開始至到明早就要結束ru~真係好唔捨得呀~由年廿八同阿媽食團年飯+老爺奶奶做節團年+去舅父舅母家開年+係屋企攤屍,日日都釀爆個肚攪到我都唔敢上磅呀~

(閱讀全文)

今日係出糧既大好日子之外．．．

tomloverain — Tue, 07 Nov 2006 21:43:04 +0800

今日心情好好~除咗今日係出糧既大好日子之外,今早同一個好好朋友傾傾心事,工作上既困難,面對既壓力,每日都面對唔同既人事問題...傾完之後我成個人都開心哂ru~佢係一個好好既女仔,好開朗,成日帶住一個好燦爛既笑容.每次同佢傾完個人都會輕鬆哂~...亦都唸起想當年既自已,哈哈哈~真架喎!!!

(閱讀全文)

工作處理不正確...好唔開心

tomloverain — Wed, 25 Oct 2006 21:19:53 +0800

今日公司design同事claim出trip車費,我覺得自已一開始處理得好唔正確,雖然後來改正翻...但個心一直好唔安樂,唔知也~我成日做野時都盡量好小心,避免做錯事,但今次....我知道自己做得唔好...可能係我自已太執著,令到自已有好大壓力.

(閱讀全文)

對人太好,可能會令到有些人不懂得尊重你

tomloverain — Fri, 20 Oct 2006 22:11:13 +0800

回歸原公司差不多3個月ru~係d段時間老細比咗好多責任我,佢地唔係公司既時間多咗,要我有更好既管理方式,多著重管理,對我來說...起初覺得....公司每個同事都咁好,大家一直合作都咁開心,相信應該無問題既~成日覺得攞個心出嚟對人就得,但原來....d個方式唔係好適合對所有人,可能會令到有些人不太懂得尊重你,所以....我覺得好失望....

(閱讀全文)

我好翻哂ru~~~~~~~~~~~~~~

tomloverain — Sat, 30 Sep 2006 09:23:23 +0800

好翻哂喇~好翻哂喇~~仲食咗好多香煎雞翼添呀sara實在太利害喇(泰國工人)~~~病發當日係星期日...無辨發,只好係屋企附近搵個唔相熟既醫生,老公同我入到間醫務所,係度等啦~~~我就四圍"目及"下啦~見倒好多醫生想當年既威水相,仲發現咗當值助護既來頭原來係醫生既老婆~~~~~

(閱讀全文)

床下底既私人珍藏

tomloverain — Sat, 16 Sep 2006 14:32:00 +0800

今日我終於的起心肝去執野喇～事關我阿媽係娘家執起哂所有我既物品，包括收係我以前床下底既珍藏，佢一次過塞哂落個大紅白藍尼龍袋入面，我老公就好辛苦咁幫我抬翻屋企，陰公～～我屋企無電梯架ｍａ～今日打開裡面．．．搵到好多已經遺忘既物件同回憶，裡面有好多本已經發既晝簿，係我細個果時晝既，有ｄ公仔睇翻真係好醜樣，但又好好笑．有細個整比老豆既戒煙卡．有一個全人手油顏色既手挽紙袋，前後幅都有好大個小雲頭係度，睇翻感覺真係好得意，執執下發覺自已由細到大都整咗好多勞作仔喎，但大部份都已經發黃．仲有一ｄ小學同學中學同學既書信＋生日卡＋聖誕卡．．．睇翻好多曾經熟識既人名，依家．．已經無再聯絡ｒｕ．．真係有一少少既失落既感覺，不過～當然有ｄ仍然有ｋｅｅｐ　ｃｏｎｔａｃｔ架啦～好似我堂細妹咁，佢１０年前去咗英國留學，中間我地經常都有書信來往既！係信裡面～真係睇到想當年我地有幾咁傻仔，我即刻打比佢，話比佢聽，當年既信入面有一句係：我真係好想翻香港呀～香港天夏熱唔熱呀？好想食榴槤，好想食雪糕，好想食乳酪呀～

(閱讀全文)

一個起飛踭既早上

tomloverain — Thu, 07 Sep 2006 23:02:10 +0800

今日早上照樣正常翻工搭火車.嘩~今日好好彩有位座喎!坐好後我就即刻拎本普通話書出嚟一邊聽住一邊學啦~我身邊坐咗一個後生仔,佢一上車無耐就係樹鍾眼瞓,向住我既方向越鍾越過,其實我見佢鍾到三四下既時候已經進入警界狀態!!!對眼已經斜瞄住佢,點知佢真係鍾埋我身度喎~正當佢意圖"伏"過嚟前一刻!

(閱讀全文)

我媽咪問我:喂!有咩攪呀~?

tomloverain — Wed, 02 Aug 2006 22:10:15 +0800

我既媽咪~好奇怪??昨日下午五點多~我係公司做緊野,我媽咪打比我,一開聲就問:喂~係咩攪呀?我呆咗一呆好似d friend打嚟撩去街咁??不過由阿媽講出口既感覺好奇怪囉?我問佢做咩呀?佢話:係喎............我打嚟做咩呢...(唸咗一大輪)?我真係比佢笑親呀佢唸唸吓終於記得原本想講d乜,原來佢已經脫離咗一個佢十多年來全心全力投入既義務工作!

(閱讀全文)