~由年廿八同阿媽食團年飯+老爺奶奶做節團年+去舅父舅母家開年+係屋企攤屍,日日都釀爆個肚
攪到我都唔敢上磅呀
~雖然呢個假期我同老公無去過旅行,亦都無乜去邊度玩,但係我地可以日日都痴埋一舊
形影不離,真係好滿足
好開心呀~平時成日翻工做野,晚晚都遲過老公翻屋企,次次都要老公自己呆呆咁等,每日都唔夠時間傾吓計或者親自下廚煮飯.
係呢個假期我可以有多d機會親自下廚整吓野食比老公食,雖然只係d簡單野,不過唔難食老公已經好滿足架喇~hehe~
以前我每到年假都好鍾意同一班朋友去旅行架,鍾意四圍去,好鍾意成班人一齊玩.不過依家...只要有老公係我身邊,我已經好滿足好開心ru~~加上我老公係一個風趣幽默既正男人,所以同佢一齊一定唔會覺得好悶餅架.
唉~我要準備瞓覺ru
...聽日又要早起翻工喇~
